Maliýe howpsuzlygy
886IV Halkara olimpiada 2024
2024-nji ýylyň 30-njy sentýabry we 4-nji oktýabry aralygynda Russiýa Federasiýasynyň Soçi şäherindäki «Sirius» Federal territoriýanyň çaginde Maliýe howpsuzlygy boýunça IV Halkara Olimpiadasy 4 ugur boýunça geçirildi. Bu bäsleşigiň final tapgyryna 36 ýurtdan 600 töweregi mekdep okuwçylary we talyplar gatnaşdylar.
Mälim bolşy ýaly, 2024-nji ýylda geçirilen Olimpiadanyň jemleýji tapgyryna 36 ýurduň wekilleri gatnaşdylar: Azerbaýjan, Alžir, Argentina, Bahreýn, Belorus, Birleşen Arap Emirligi, Boliwiýa, Braziliýa, Efiopiýa, Ekwador, Ermenistan, Eýran, Gazagystan, Günorta Afrika Respublikasy, Gyrgyzystan, Hindistan, Hytaý, Indoneziýa, Кuba, Liwan, Marokko, Mawritaniýa, Meksika, Müsür, Namibiýa, Oman, Özbegistan, Pakistan, Peru, Russiýa, Saud Arabystany, Täjigistan, Türkmenistan, Wenesuela, Wýetnam we Yrak.
Maliýe howpsuzlygy boýunça IV Halkara Olimpiadasynyň final tapgyryna Türkmenistanyň ýokary okuw mekdepleriniň 9 talyby wekilçilik etdi. Olaryň hatarynda Türkmen döwlet maliýe institutynyň Maliýe gözegçiligi taýýarlyk ugrunyň 4-nji ýyl talyby Aýsenem Nuryýewa we Maliýe menejmenti taýýarlyk ugrunyň 4-nji ýyl talyby Enejan Garajaýewa bar.
Maliýe howpsuzlygy boýunça IV Halkara Olimpiadasynyň ykdysadyýet ugry boýunça geçirilen bäsleşikde Türkmen döwlet maliýe institutynyň Maliýe gözegçiligi taýýarlyk ugrunyň 4-nji ýyl talyby Aýsenem Nuryýewa II orny eýeledi hem-de II derejeli Diploma we kümüş medela mynasyp boldy.
