HPG okuw
332024-nji ýylyň 11-nji noýabrynda “Döwlet maliýe statistikasy we döwlet pudagynyň bergileriniň statistikasy boýunça tehniki ýardamlary bermek barada” duşuşyklary we okuw maslahatlary geçirmek maksady bilen, ýurdumyza iş saparynda bolýan Halkara Pul Gaznasynyň Kawkaz, Merkezi Aziýa we Mongoliýa ýurtlarynyň mümkinçiliklerini ösdürmek boýunça sebitleýin merkeziniň wekilleri Gerhard Steger, Galina Brawerman, Imran Aziz hem-de Iwana Wablonskawa Türkmen döwlet maliýe institutynda professor-mugallymlar we talyp ýaşlar üçin okuw maslahatyny geçirdiler.
Halkara Pul Gaznasynyň wekilleriniň bu gezekki okuw maslahaty döwlet maliýe statistikasy we döwlet pudagynyň bergileriniň statistikasy bilen bagly meselelere bagyşlandy. Okuw maslahatynyň temasy häzirki wagtda dünýä jemgyýetçiligi üçin derwaýys bolup, professor-mugallymlar we talyp ýaşlar üçin uly gyzyklanma döretdi. Myhmanlar öz çykyşlarynda köp ýyllaryň dowamynda Türkmenistan bilen Halkara Pul Gaznasynyň arasynda ýola goýlan ikitaraplaýyn özara bähbitli gatnaşyklaryň hormatly Prezidentimiz Arkadagly Gahryman Serdarymyzyň ýolbaşçylygynda soňky ýyllarda has hem gülläp ösýändigini, Halkara Pul Gaznasy bilen özara bähbitli gatnaşyklary ösdürmek dogrusynda Türkmenistanyň öňe sürýän oňyn başlangyçlary hem-de alyp barýan ähmiýetli işleri, şeýle-de bu ugurda ýurdumyzda durmuşa geçirilýän ähmiýetli işler dogrusynda belledi.
Okuw maslahatynyň barşynda Halkara Pul Gaznasynyň wekilleri döwlet maliýe statistikasy, şeýle hem döwlet pudagynyň bergileriniň statistikasy dogrusynda daşary ýurt tejribesi barada anyk mysallary getirdiler. Türkmenistanyň durnukly ösüşiň maksatlaryna ýetmekde alyp barýan düýpli işleriniň dünýä jemgyýetçiligi tarapyndan doly goldawa eýe bolýandygyny Halkara Pul Gaznasynyň wekilleri ynam bilen nygtadylar. Okuw maslahatynyň ahyrynda oňa gatnaşyjylar şeýle giň mümkinçilikleri döredip berýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza çäksiz alkyşlaryny beýan etdiler we olaryň janlarynyň sag, ömürleriniň uzak, ýagty ertirleri nazarlaýan belent tutumly maksatlarynyň hemişe rowaçlyklara ýar bolmagyny arzuw etdiler!