Ykdysadyýet VI Netije
897Ykdysadyýet ugry boýunça VI internet bäsleşigi
Türkmen döwlet maliýe instituty tarapyndan 2024-nji «PÄHIM-PAÝHAS UMMANY MAGTYMGULY PYRAGY» ýylynda Türkmenistanyň milli puly – manadyň dolanyşyga girizilmeginiň 31 ýyllygy mynasybetli ýurdumyzyň ýokary okuw mekdepleriniň talyplarynyň gatnaşmaklarynda «Ykdysadyýet» ugry boýunça VI internet bäsleşigi geçirildi. Bu bäsleşik talyplaryň özara gatnaşyklaryny ösdürmek, nazary bilimlerini çuňlaşdyrmak, ukyp-başarnyklaryny we özbaşdak işlemek endiklerini kämilleşdirmek maksady bilen geçirildi. Bäsleşige ýurdumyzyň 19 sany ýokary okuw mekdeplerinden 71 talyp gatnaşdy. Bäsleşigiň netijeleri şahsy we toparlaýyn hasaba alyndy. Netijede toparlaýyn I orna 314 ball bilen Türkmen oba hojalyk instituty, 304 bal bilen II orna Türkmen döwlet maliýe instituty, 250 ball III orna Aba Annaýew adyndaky Halkara atçylyk akademiýasy mynasyp boldy. Şahsy hasap boýunça I orna Türkmen döwlet maliýe institutynyň we Türkmen oba hojalyk institutynyň talyplary, II orna Türkmen döwlet maliýe institutynyň, Türkmen döwlet ykdysadyýet we dolandyryş institutynyň, Aba Annaýew adyndaky Halkara atçylyk akademiýasynyň, Türkmenistanyň Inžener-tehniki we ulag kommunikasiýalary institutynyň, Döwletmämmet Azady adyndaky Türkmen milli dünýä diller institutynyň, Türkmen oba hojalyk institutynyň, Türkmenistanyň Içeri işler ministrliginiň institutynyň, Ýagşygeldi Kakaýew adyndaky Halkara nebit we gaz uniwersitetiniň talyplary we III orunlara Türkmenistanyň Telekommunikasiýalar we informatika institutynyň, Ýagşygeldi Kakaýew adyndaky Halkara nebit we gaz uniwersitetiniň, Türkmen döwlet bedenterbiýe we sport institutynyň, Türkmenistanyň Daşary işler ministrliginiň Halkara gatnaşyklar institutynyň, Türkmenistanyň Inžener-tehniki we ulag kommunikasiýalary institutynyň, Aba Annaýew adyndaky Halkara atçylyk akademiýasynyň, Türkmenistanyň Milli howpsuzlyk institutynyň, Türkmen döwlet maliýe institutynyň, S.A.Nyýazow adyndaky Türkmen döwlet oba hojalyk uniwersitetiniň, Türkmen döwlet ykdysadyýet we dolandyryş institutynyň, Türkmenistanyň Telekommunikasiýalar we informatika institutynyň, Türkmenistanyň Döwlet energetika institutynyň, Beýik Saparmyrat Türkmenbaşy adyndaky Harby institutyň, Halkara ynsanperwer ylymlary we ösüş uniwersitetiniň, Döwletmämmet Azady adyndaky Türkmen milli dünýä diller institutynyň talyplary mynasyp boldular.
Şahsy hasap boýunça I, II we III orun alan ýeňiji talyplara Türkmen döwlet maliýe instituty tarapyndan degişlilikde I, II we III derejeli diplomlar gowşuryldy.
