Mekdebimiziň täzelikleri

TALYPLARYŇ HALKARA DEREJELI ÜSTÜNLIGI

TÜRKMENISTANYŇ BILIM MINISTRLIGI

TÜRKMEN DÖWLET MALIÝE INSTITUTY

TALYPLARYŇ HALKARA DEREJELI ÜSTÜNLIGI

          Halkara parahatçylyk we ynanyşmak ýylynyň 22-25-nji ap­rel­inde geçirilen spor­tuň­ mil­li ­we­ gu­şak­ly ­alyş ­gö­re­şi ­bo­ýun­ça­ halkara ýaryşy mil­li spor­tu­my­zyň ­nobat­da­ky ­üs­tün­li­gi­ bi­len ­ta­mam­lan­dy. Sportuň mil­li ­we ­gu­şak­ly ­alyş ­gö­re­şi ­bo­ýunça­ hal­ka­ra ­ýa­ry­şynyň­ açy­lyş da­ba­ra­sy Gahryman Ar­ka­da­gy­my­zyň baş­lan­gy­jy esa­syn­da bi­na edi­len paý­tagty­myz­da­ky Olim­pi­ýa ­şä­her­çe­si­niň ­Ba­şa ­baş ­sö­weş ­sun­ga­ty ­sport ­top­lu­myn­da ge­çi­ril­di.­ Onuň­ do­wa­myn­da­ ýa­ryş­da ­ýe­ňiş ­ga­za­nan ­we ­baý­rak­ly ­orunlary eýe­län­ tür­gen­le­re medallar,­ şa­ha­dat­na­ma­lar,­ hor­mat­ly­ Pre­zidentimiz ­Serdar Berdimuhamedowyň «Ýaş­lar­ —­ Watanyň daýan­jy» ­at­ly ­ki­ta­by ­gow­şu­ryl­dy.­ Päl­wan­la­ry­my­zyň ­ga­za­nan ýeň­şi­niň ­şa­ny­na Türk­me­nis­ta­nyň­ Döw­let­ se­na­sy belentden ýaň­la­nyp, Watanymyzyň ýa­şyl tu­gy daba­ra­ly ýag­daý­da ýo­ka­ry gal­dy­ryl­dy. Elbet-de, şular ýaly taryhy wakanyň şaýady, aýratynam sport ýaryşyna şahsy goşandyny goşup, türkmen Tugumyzy belentden parladan türgenlerimiziň arasynda Türkmen döwlet maliýe institutymyzyň bagtyýar talyplarynyň bolmagy buýsanjymyzy goşalandyrdy.

 Annagurban ALLABERDIÝEW, 

Türkmen döwlet maliýe institutynyň Salgytlar we salgyt salmak fakultetiniň 3-nji ýyl talyby:

—  «Halkara parahatçylyk we ynanyşmak» ýylynyň 22-25-nji ap­relin­de paý­tag­ty­my­zyň Olimpiýa şä­her­çe­sin­de spor­tuň türkmen mil­li we gu­şak­ly alyş gö­re­şi bo­ýun­ça geçirilen hal­ka­ra ýaryşa Ýew­ro­pa ­we­ Azi­ýa ­ýurt­la­ry­nyň­ 13­-sin­den ­onlarça tür­gen­ler ­gat­naş­dy.­ Men bu ýaryşa sportuň iki görnüşi boýunça hem gatnaşdym. Sportuň milli göreşi bilen men kiçiligimden meşgullanyp gelýärin. Sportuň bu görnüşi boýunça dürli ýurtlarda geçirilýän ençeme iri halkara ýaryşlara gatnaşyp baýrakly orunlara mynasyp bolup gelýärin. Aşgabatda geçirilen şu gezekki ýaryş hem maňa özboluşly tejribe boldy. Men hem halkara ýaryşda 90 kilograma çenli agramda milli göreş we guşakly alyş görnüşleri boýunça tutluşyklary geçirip, iki sport görnüşindenem, baýrakli birinji orna, altyn medala eýe bolmagy başardym. Bu bolsa meni täze üstünliklere ruhlandyrýar. Ýurdumyzda sportuň ösdürilmegine uly üns berýän Gahryman Arkadagymyzyň hem-de hormatly Prezidentimiziň janlary sag bolsun, belent başlary aman bolsun, sport diplomatiýasyny dabaralandyrýan döwletli tutumlary elmydama rowaçlyklara beslensin.

Kerwengeldi JUMAGYLYJOW,

Türkmen döwlet maliýe institutynyň Maliýe fakultetiniň 4-nji ýyl talyby:

—  Eziz­ Di­ýa­ry­myz­da­ spor­tuň ­beý­leki ­gör­nüş­le­ri ­bi­len­ bir ­ha­tar­da,­ guşakly alyş görnüşi hem ­ok­gun­ly ­ösdüril­ýär.­ Mälim bolşy ýaly, «Halkara parahatçylyk we ynanyşmak» ýylynyň 22-25-nji ap­relin­de paý­tag­ty­my­zyň Olimpiýa şä­her­çe­sin­de spor­tuň guşak­ly alyş gö­re­şi bo­ýun­ça hal­ka­ra ýa­ryşy gyz­ga­laň­ly ýagdaýda üs­tün­lik­li ge­çi­rildi. Men ozal hem spor­tuň alyş gör­nü­şi bo­ýun­ça ýaryş­la­ra bir­nä­çe ge­zek gatnaşyp, baý­rak­ly orun­la­ry eýelemegi ba­şa­ryp­dym.

Guşakly alyş göreşi diňe bir sport görnüşi bolman, eýsem, milli gymmatlyklarymyzyň we däplerimiziň dowam etdirilmegidir. Men bu halkara ýaryşa guşakly alyş göreşi boýunça 80 kilograma çenli agram derejesinde gatnaşyp, kümüş medal gazandym. Mu­nuň­ üçin ­hor­mat­ly ­Pre­zi­den­ti­mi­ziň ­Şa ­ser­pa­ýy ­bi­len ­sy­lag­lan­magym talyp başymy göge ýetirdi. Biz ýaş­la­ra yzy­gi­der­li kä­mil­le­şip, uly üs­tün­lik­le­ri gazanmak üçin äh­li ze­rur şert­le­ri dö­re­dip ber­ýän Ar­ka­dag­ly Gah­ry­man Serdarymyzyň hem­-de Gahryman Arkadagymyzyň jan­la­ry sag, ömür­le­ri ­uzak,­ il­-ýurt­ bäh­bit­li we umumadam­zat ­äh­mi­ýet­li ­iş­le­ri­ ro­waç ­bol­sun.