Kafedrada «Işewürlik-informatika» taýýarlyk ugry boýunça bakalawrlar taýýarlanylýar. Bu taýýarlyk ugrunyň uçurymlary, esasan, ýurdumyzyň maliýe-ykdysady ulgamynda, eýeçiligiň dürli görnüşindäki kärhanalarda, edaralarda we guramalarda işleýärler. 
Kafedra boýunça «Häzirki zaman kompýuter tehnologiýalary», «Sanly ykdysadyýet», «Ykdysadyýetde maglumat ulgamlary we tehnologiýalary», «Programmirlemegiň esaslary»,  «Web dili», «Java dili», «Programmirlemgiň häzirki zaman tehnologiýalary», «PHP dili», «Maglumat howpsuzlygy», «Maglumatlar bazalary», «Ykdysady informatika», «Operasion ulgamlar», «Python dili», «Tor tehnologiýalary», «C# dilinde programmirlemek», «C++ dilinde programmirlemek», «Internet marketing», «Maglumat menejmenti», «Ulgamlaýyn programmirleme», «Barlaglaryň usullary we maglumatlary seljermek», «Maliýe maglumatlarynyň goragy we kiberhowpsuzlyk», «Sanly maglumat-aragatnaşyk tehnologiýalary we emeli aň» dersleri okadylýar.
Kafedrada tejribeli mugallymlar zähmet çekýär. Kafedanyň mugallymlarynyň awtorlygynda «Ykdysady informatika», «Web dili», «Python (Paýson) dili», «Barlaglaryň usullary we maglumatlary seljermek», okuw kitaplary we  «Häzirki zaman kompýuter tehnologiýalarynyň esaslanýan düşünjeleri», «Häzirki zaman kompýuter tehnologiýalary (Tejribe işleri I we II) », «Ykdysadyýetde maglumat ulgamlary we tehnologiýalary (Tejribe işleri)», «Sanly bilim ulgamynda peýdalanylýan käbir düşünjeler», «HDML dili», «СSS dili», «Obýekte ugrukdyrylan programmirleme (JavaScript)», «PHP dili dersinden tejribe işleri», «C++ (Başlangyç düşünjeler)» okuw gollanmalary neşir edildi.
Kafedrada «Kärhananyň önümçilik gorlaryny optimal dolandyrmagy awtomatlaşdyrmak» ylmy tema boýunça ylmy-barlag işi ýerine ýetirilýär we «Programmirleýji» ylmy gurnagy hereket edýär. Ylmy žurnallarda kafedranyň mugallymlarynyň makalalary çap edilýär. Talyplar halkara we döwlet derejelerinde geçirilýän ders bäsleşiklerine, olimpiadalaryna hem-de ylmy işleriň bäsleşiklerine taýýarlaýarlar we işjeň gatnaşýarlar. «Maglumat tehnologiýalary» kafedrasynyň mugallymlary birnäçe patentleriň awtorlary bolup durýarlar.