Mekdebimiziň täzelikleri

Türkmenistanyň Garaşsyzlygynyň şanly 33 ýyllygy mynasybetli Türkmen döwlet maliýe institutynda 2024-nji ýylyň 23-nji sentýabrynda «Garaşsyz Türkmenistanyň durmuş-ykdysady ösüşiniň esasy ugurlary» atly ylmy-amaly maslahat geçirildi. 

Bu ylmy-amaly maslahatyň açylyşy umumy mejlisde meýilleşdirilen ylmy çykyşlar bilen başlandy. Soňra ylmy çykyşlar ylmy-amaly maslahatyň bäş bölüminde dowam etdi. 

Alymlaryň, hünärmenleriň, aspirantlaryň, doktorantlaryň we talyplaryň ylmy çykyşlarynda ýurdumyzda Garaşsyzlyk ýyllarynda gazanylan üstünliklere, durmuşa geçirilеn ykdysady özgertmelere, şeýle hem ylmy barlaglaryň esasynda alnan netijelere aýratyn üns berildi. Ylmy çykyşlar gatnaşyjylarda uly gyzyklanma döretdi, sorag-jogaplar alşyldy.