HALKARA ZENANLAR GÜNI – 8-NJI MART
91 Maşgalanyň sütüni, ahlak gözelliginiň nusgasy hökmünde zenanlaryň, gelin-gyzlaryň mertebesini belent tutmak türkmen halkynyň örän gadymy döwürlerden gözbaş alýan hem-de Berkarar döwletiň täze eýýamynyň Galkynyşy döwründe mynasyp dowam etdirilýän gymmatly ýörelgesidir.
Bahar paslynyň ilkinji günlerinde bellenilýän 8-nji mart baýramy ýurdumyzyň ähli ýerlerinde uly şatlyk-şowhuna, ruhubelentlige beslenip bellenilýär. Halkara zenanlar güni mynasybetli her ýyl ýurdumyzyň gelin-gyzlaryna Hormatly Prezidentimiziň adyndan pul sowgatlary gowşurulýar. Şeýle ajaýyp dabara Türkmen döwlet maliýe institutynda hem geçirildi.
Dabara gatnaşanlar zenan mertebesini belende göterýän, sarpalaýan Türkmen halkynyň Milli Lideri, Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini beýan etdiler. Gahryman Arkadagymyzyň, Arkadagly Gahryman Serdarymyzyň janlarynyň sag, ömüleriniň uzak bomagyny, tutumly başlangyçlarynyň rowaçlyklara beslenmegini arzuw etdiler.
